قصتنا

سندار براند مصري بالكامل، ولد من فكرة بسيطة: إن العطر العربي يستاهل مكانة أكبر بكتير من اللي هو فيها دلوقتي.

مش من باب المنافسة، لكن من باب إننا فعلاً نمتلك إرث عطري غني يستحق يتقدَّمبالشكل اللائق بيه.
إحنا مصنّعين، مش مجرد بنركب عطور

الفرق اللي بيميز سندار إننا بنصنّع عطورنا بأنفسنا، مش بنركّبها أو نعيد تعبئتها.
من اختيار المكونات، لمراحل التصنيع، وصولاً لمرحلة الجودة والتعتيق، كل خطوة بتتم تحت إشرافنا المباشر، وده اللي بيدينا الثقة الكاملة في كل قطرة بتوصل للعميل.

معايير جودة عالية
الجودة عندنا مش شعار، دي نظام عمل.

كل عطر بيمر بمراحل تصنيعية دقيقة قبل ما يوصل لمرحلة التعبئة النهائية، وبعدها بيدخل مرحلة التعتيق لمدة لا تقل عن 45 يوم كاملة، عشان نضمن إن الرائحة توصل في أنضج وأثبت صورة ليها، مش قبل أوانها.

قصة العطر هي اللي بتبيعه

عطورنا خاصة بينا، وممكن تكون في لحظات مستوحاة من عطور عالمية بنحبها، لكن إحنا مؤمنين إن اللي بيخلق الفرق مش بس الرائحة، لكن الحكاية اللي وراها.
كل عطر في سندار عنده شخصية مستقلة وقصة يرويها، وده اللي بيخلي التجربة معانا أكبر من مجرد شراء منتج.

علامة تجارية موثقة
سندار مسجلة رسمياً كمنشأة تجارية لدى مصلحة الضرائب المصرية، تحت اسم "سي اي ان دار" بيوتي للعطور والبخور برقم ضريبي ، بما يضمن للعميل التعامل مع جهة موثوقة وشفافة في كل خطوة.