الخــان

عطر جلدي، سويتي، دخاني، عنبري. 
العطر ده مش بتاع أنصاف الحلول.. ده عنوان للفخامة والجرأة، بيديلك طابع رجالي قوي وبيفرض سيطرته، طب معنى كدة إنه مش مناسب ليكي؟
لا بالعكس، هيبقى مناسب جدًا لو انتي بتدوري على الاختلاف وعايزة عطر مميز يعكس قوة شخصيتك وتخرجي بيه عن المألوف.

الخان مش مجرد ريحة، ده "حالة" بتعيشها. عطر معمول للشخص اللي ذوقه غالي ومميز، وبيلبس ثقته في نفسه قبل هدومه، كفيل ينقلك لمستوى تاني من الشياكة ويدي إيحاء بالغموض والقوة، وتخلي أي حد يشمك يعرف إنك شخص مش عادي.

مناسب لمين؟
للشخصيات الكاريزمية اللي بتحب تلفت الانتباه بفخامة، وتلعب على وتر الغموض والجاذبية.

مثالي جداً لليالي الشتا الباردة، المناسبات الرسمية، أو خروجة بالليل لابس فيها جاكيت جلد.. وقتها هتبان كأنك انت اللي مسيطر على المكان.

لأي حد بيعشق العطور الجلدية وعايز عطر ثباته وفوحانه يتحدوا الزمن ويفضلوا معلمين في هدومه.

القصة من كتاب سندار :
"في إحدى مراحل حياتي، رافقتُ تاجراً شامياً مهيباً يُسمّى كنعان لأتعلّم منه أسرار القوافل ومسالِك التجارة؛ وحين حطّت ركابُنا في الفسطاط، نزلنا لأيامٍ في الخَان الكبير، تحت قناطره الحجرية المقبّبة، رأيتُ عالماً لا ينام؛ تلتقي فيه بضائعُ المشرق والمغرب، وتختلطُ فيه هيبةُ التّجار بوعثاء السفر، فقررتُ أن أحبس روح تلك الأيام في قارورة. 
استلهمتُ افتتاحية العطر مما فاح من زاد رفيقي الشامي وصناديقه فور فتحها؛ حيث امتزج عبق الزَّعْتَر البري الشامي وحلاوة توت العُلَّيْق الجبلي المجفف بنفائس الزَّعْفَرَان الذهبي؛ وفي الليالي التي قضيناها هناك، تشكّل قلب العطر؛ حين كان دخان اللُّبَان يتصاعد من المباخر النحاسية ليعانق شذى الياسمين المصري الساري في صحن الخان. أما قاعدته، فكانت من صميم المكان؛ رائحة الجلود الفاخرة في سروج الخيل، والجلد المدبوغ الناعم في صُرَر البضائع الثمينة، مستندةً إلى الأخشاب العتيقة والعنبر.. فخرج عطر (الخَان)؛ شاهداً على ليالي السَّمَر والتجارة، ومعلماً من معالم المحروسة"


من كتاب سِندار ..
لاستشكاف قصة سندار كاملة، اضغط هنا

القمة : الزعتر البري، الزعفران، الجلود
القلب : اللبان، الياسمين المصري
القاعدة : الجلود، الأخشاب، العنبر

للمرة الأولى، ضمان على الذوق .. ضمان مش عند حد. 

رغم إن عطور سندار تعجب أي حد! لكن ممكن رغم جمال العطر ميعجبكش .. فاهمين ده جدًا
لأننا محترفين عطور، وسندار وصّانا على شركاء نجاحنا .. عشان كدة الضمان عندنا مش
بس لو في مشكلة، بالعكس .. لو العطر معجبكش تقدر ترجعه بسهولة.

شروط الاستبدال والاسترجاع:

• يُشترط ألا يكون قد تم استخدام أكثر من 10%
من كمية العطر.

• العروض والخصومات الخاصة لا تخضع لسياسة الاستبدال والاسترجاع.

• يجب أن تكون الزجاجة بحالتها الأصلية دون أي تلف أو تغيير.

• يتحمّل العميل تكلفة شحن المنتج المرتجع.

• يتم الرد على جميع طلبات الاسترجاع خلال 3 أيام عمل، من خلال رقم
الواتساب المخصص لخدمة العملاء فقط 010.

• في حالة الموافقة على الاسترجاع يتم رد المبلغ المدفوع بنفس الطريقة
المستخدمة في الدفع خلال 14 يوم من استلامنا للمنتج المرتجع.

كيفية التقديم:

للبدء في إجراءات الاسترجاع أو الاستبدال، يُرجى التواصل معنا عبر رقم
الواتساب الخاص بخدمة العملاء، مع إرفاق صورة توضح حالة المنتج ورقم الطلب.

بنوصّل مصر كلها، خلال يومين لـ 5 أيام عمل
بالكتير .. بس في الغالب يومين بيكون الموضوع خلص يعني.  
بنوصّل مع بوسطة وأرامكس.